جدید پنجابی شاعری
پینجیا
پِنج دے میری مٹی جہنوں پان چڑھی اے سُکھ دی
پِنج دے میری آپھر جہڑی وچ جُثے نہیں ممدی
پِنج دے میری کاوڑ
جہڑی مُڑ مُڑ مینوں کھمدی
پِنج دے پتھر ہوندے پانی، مچدے مچ نوں پِنج دے
پِنج دے کُوڑ نوں، کوہڑ نوں، کچ نوں،وچے سچ نوں پِنج دے
پِنج دے تال نوں، گُر نوں، سُر نوں، چڑھدی لٙے نوں پِنج دے
پِنج دے میرے آل دوالے دی ہر شے نوں پِنج دے
تاں جے نویں تلائی وِچّوں نِگھ چڑھے مُڑ جگ نُوں
تاں جے جیون دان ملے مُڑ ساڈے ہانہہ دی اگ نُوں
غلام حسین ساجد
No comments:
Post a Comment
Note: only a member of this blog may post a comment.