جدید پنجابی شاعری
پل صراط
میں اوہ نہیں
جو میں ساں مائے
نہ اوہ اکھیاں
نہ اوہ دل
تے نہ اوہ دھڑکن میرے دل دی
جاگاں تے ادھ سُتی لگاں
سوون لگا
اکھ نہ لگے
روگیاں وانگوں منجی اُتے شام صباحیں پاسے پرتاں
سوہنیے مائے
بھیت نہ لبھے
کاہنوں میرے ہتھوں ڈِگ کے
ٹُٹ گئے ادھے بھانڈے گھر دے
گل کراں تے گُنجلاں پینڈیاں
لب سیواں تے سینہ بُھجدا
بھاویں میں ہکلی ہوواں
انج لگے جیوں سارا پِنڈ پیا مینوں تکے
الطاف قریشی
No comments:
Post a Comment
Note: only a member of this blog may post a comment.