پنجابی سرائیکی شاعری
پاگل ہا کوئی پیار کُوں سڈ مار کھڑا ہا
او شخص ولا بے ڈینہہ سرِ دار کھڑا ہا
ہنڑ ول نہ پوا میکوں حیاتی دا اے چولا
پہلے وی اِیہو چولا ہا، ڈینہہ چار کھڑا ہا
ساہ جیندی امانت ہے چلو اُوندے حوالے
اے وی تاں میڈے سر تیں وڈا بار کھڑا ہا
بچ پئے ہیں جو ویچی نِسے اخلاص دی دولت
ویچُوں ہا تاں ہر شخص خریدار کھڑا ہا
اِیں حشر کُوں سب کہیں دے ختم تھی گئے لیکھے
ڈیکھنڑ تاں فقط تیڈا گُناہ گار کھڑا ہا
اقبال سوکڑی
No comments:
Post a Comment
Note: only a member of this blog may post a comment.