پنجابی سرائیکی شاعری
اپنڑے آپ کوں سچے لکھنڑے لوک ہیسے
خالی منہ توں مومن ڈسنڑے لوک ہیسے
ساڈے ناں دے نال وی کافر لگ سگدے
اساں وی ہر ظلم تیں پٹنڑے لوک ہیسے
اساں کہیں دے ڈکھ ءچ ڈکھی نئیں تھیندے
بے دے ڈکھ تیں فوٹو چھکنڑے لوک ہیسے
وستی آلی مسجد تائیں نئیں ونج سگدے
ونج دربار تیں راتیں ٹکنڑے لوک ہیسے
عزت، غیرت ساڈے وسبے نئیں وسدی
اساں زر دے بدلے وکنڑے لوک ہیسے
نویں دور دے اساں حاتم بدو ہیں
نکڑی گال تیں صدیاں اٹنڑے لوک ہیسے
حاتم بلوچ
No comments:
Post a Comment
Note: only a member of this blog may post a comment.