بابُل
اتھرو سُکے جُثے رُکھے
مُندری کنگن کجھ نہ رئے
لوبھ دے مارے لوکی میرے گھر دیاں اِٹاں پُٹدے رئے
تیرا سایہ جد نہ ریا
دُھپاں سِر توں فیر نہ گئیاں
تُو کی جانے باپو تینوں کِنیاں واجاں ماردی رئی آں
کھِلری چادر کیندے نیں
اُس پگ نوں ہُن ول پیندے نئی
گھر دے میریاں نِکیاں گلّاں دُوجی واری سیندے نئی
تیرا چگا سینے لا کے
بلدیاں ساہاں ٹھاردی پئی آں
تُو کی جانے باپو تینوں کِنیاں واجاں ماردی رئی آں
ماشاءاللہ سیف
No comments:
Post a Comment
Note: only a member of this blog may post a comment.