جدید پنجابی شاعری
درد دا موسم وی کی اے، دل لگی اے ہور کی
پیڑ دا بُوٹا اے بس ایہہ زندگی اے ہور کی
آپ ای ٹل جائے گی یا مینوں پیسی ٹالنی
روز واگوں اک بلا سر تے کھڑی ہے ہور کی
میری تے جگ دی لڑائی دی وجہ بس جان لؤ
سوہنیاں دے نال میری دوستی اے ہور کی
آ گئے سورج ہوا نیزے تے بالکل آ گئے
سوچناں واں دنیاں خبرے سوچدی اے ہور کی
کیتیاں تنویر نے کجھ تتلیاں بوتل چ بند
ویکھیۓ تے ہر غزل اڈدی پری اے ہور کی
تنویر بخاری
No comments:
Post a Comment
Note: only a member of this blog may post a comment.