جدید پنجابی سرائیکی شاعری
چھ ڈینھ شہزادے کوں جیونڑ اُتے لگن
لاش کوں پنج سو گھوڑے نیونڑ اُتے لگن
ماکھی دا گھٹ روز پلیندوں گھر دی نم کوں
اساں چاہندوں ٹافیاں ہیں ونڑ اُتے لگن
ہن اتھ ایں تلوار دی دھار کو ناپیا ویندے
جتنے گھنٹے پھٹ کوں سیونڑ اُتے لگن
کج ڈینھ مُکھ ڈکھلاونڑ امدا رہ گے کوئی
کج ڈینھ ساڈے پاگل تھیونڑ اتے لگن
انہاں اپنڑیں والاں کوں چھنڈکا تے پُچھیا
کتنے گوٹے چولا سیونڑ اُتے لگن
تھی سگدے جو کیڑیں دی پٹ لگی ہووے
لوگ اگر سپرے اتھ پیونڑ اتے لگن
موت دے بعد دی زندگی کوڑ ڈسیندوں مژدم
ہیں سانگوں جو لوگ اتھ جیونڑ اتے لگن
مژدم خان
No comments:
Post a Comment
Note: only a member of this blog may post a comment.