جدید پنجابی شاعری
رس دی بانی
اندر اگ اے
اگ دا دارُو نیندر
نیندر دا کیہ دارو
باہر چپ اے
چپ دا دارو ہاسا
ہاسے دا کیہ دارو
اگے کال اے
کال دا دارو اکھاں
اکھاں دا کیہ دارو
پِچھے مارو
مارو دا اے دارو جُھمر
جُھمر دا کیہ دارو
جُھمر جے جُھمر دا دارو
جُھمر اگ بُجھاوے
جُھمر چپ نوں بھنے
جُھمر کال نوں کھاوے
ساہ اندر ساہ پاوے
جُھمر اندر رہ کے کوئی کلیاں رہ نہیں سکدا
جُھمر دا دریا وجوداں وچوں ہو کے وگدا
غلام حسین ساجد
No comments:
Post a Comment
Note: only a member of this blog may post a comment.