جدید پنجابی شاعری
آؤ سیو ہاسہ ہسیئے
ہاسہ جہڑا ندیاں ہسن
چُم چُم رُڑھدے کنڈھے
ہاسہ جہڑا اوہلے بہہ کے
ہسن روگی بندے
چَھلو سیؤ
بُلھاں اُتوں
مُڈھلی پیڑھیوں منگیا ہاسہ
رُوح دی کِلی
کفنی وانگوں ٹنگیا ہاسہ
ہسو ہاسہ
ہاسہ جہڑا اکھوں شعلہ بن کے ڈِگے
ہسو ہاسہ، ہاسہ جہڑا دھرتیوں دوزخ بن کے اُٹھے
ہسو ہاسہ، ہاسہ جہڑا روندے ہاسے
ساڑ کے مِٹی مِٹی کر کے
تہاڈے قدماں ہیٹھاں سُٹے
الطاف قریشی
No comments:
Post a Comment
Note: only a member of this blog may post a comment.