عارفانہ کلام حمد نعت منقبت
میرے اتے کرم کما سوہنیاﷺ
مینوں وی تے در تے بلا سوہنیاﷺ
میرے لیکھاں وچ وی مدینہ لکھدے
تیری گل من دا خدا سوہنیاﷺ
تیری اُچی شان نالے سب نالوں وکھری
رب تیری چاہندا اے رضا سوہنیاﷺ
میں وی نعت پڑھاں تیرے در تے کھلو کے
پوری کر میری وی دعا سوہنیاﷺ
ہجر وچھوڑے مینوں رول سُٹیا
ہور کنی ملنی سزا سوہنیاﷺ
بابِ جبرئیل اُتے میں وی رج کے
لواں تیری دید دا مزا سوہنیاﷺ
بنا تیرے کون میرے معاف کرے گا
لمے چوڑے جرم و خطا سوہنیاﷺ
کنی ٹھنڈی مٹھی تے مہک نال پُر
طیبہ وچ وگدی ہوا سوہنیاﷺ
جہدی چھانویں بہندے سارے نبی تے ولی
مینوں وی او گنبد وکھا سوہنیاﷺ
قدماں چ تیرے میرے مُکن ایہہ ساہ
ایہو محبوب دی دعا سوہنیاﷺ
محبوب احمد شاہ
No comments:
Post a Comment
Note: only a member of this blog may post a comment.