عارفانہ کلام حمد نعت منقبت
تڑپدے نیں غماں دکھاں دے مارے یا رسول اللہ
تساڈے باہجھ ہوندے نہیں گزارے یا رسول اللہ
کسوتے نیں بڑے ہی لیکھ ساڈے وی سوارو چا
تساں دنیا دے وگڑے کم سوارے یا رسول اللہ
تہاڈی یاد وچ لیکھے چا لائے نیں، خدا دی سونہہ
اسیں آندے سی جیہڑے ساہ ادھارے یا رسول اللہ
بناں شفقت تساڈی دے، کویں لائیے سراں اتے
غماں نیں چاڑھ دتے جو بھارے یا رسول اللہ
بڑے مر مر کے، محنت کر کے چھتے نیں
کوئی ظالم نہ ڈھا دیوے ایہہ ڈھارے یا رسول اللہ
فلسطینی وی روندے نیں تے افغانی وی روندے نیں
سنو! پے پاندے نیں ہاڑے وچارے یا رسول اللہ
عراق باز آوندے نیں ،نہ ایرانی ای مڑ دے نیں
کرو چا اونہاں دے آپے نتارے یا رسول اللہ
ہے کس نوں تاب سننے دی کہ بت سبھے ای بولے نیں
بخاری آپ بن کس نوں پکارے یا رسول اللہ
تنویر بخاری
No comments:
Post a Comment
Note: only a member of this blog may post a comment.