جدید پنجابی شاعری
رب کھیڈاں کھیڈدا
آپ دسے گا ایہہ جگ
لے کے پیار والا بھیت
میں ٹُراں وچ ریت
لگے دُونے ہو کے سیک
کیویں جھلاں آ کے ویکھ
آویں ویکھاں مر جاواں
مر سسی میں کہاواں
تیری تانگھ وچ سُکے
موتی بن جا سُتے
ہنجو سپیاں دی کُکھے
جند تھلاں وچ لُکے
کِتے لبھے میں سناواں
مُک چلیاں نیں ساہواں
دسے انبراں چوں اگ
میری کڑھے رگ رگ
گئی ہڈاں وچ لگ
آپ دسے گا ایہہ جگ
جدوں چلیاں ہواواں
کنیں پُنل دے پاواں
مُک چلیاں نے ساہواں
مر سسی میں کہاواں
شکیلہ جبیں
No comments:
Post a Comment
Note: only a member of this blog may post a comment.