پنجابی پوٹھواری پوٹھوہاری پہاڑی شاعری
یہھاتی کہھندیاں چٹیاں او مائے
پُہھکھاں ننگاں کٹیاں او مائے
شکر آ اندر صحیح سلامت
تن پر لیراں پھٹیاں او مائے
آس ملنڑ نی رنڈی ہوئی
سدھراں مینڈیاں پٹیاں او مائے
اندروں نفس نی بو نہ مکی
عطر شیشیاں لٹیاں او مائے
مہر محبت سودے سنبھے
ہر جا پہھانویں ہٹیاں او مائے
گتے ناڑی ہالی پہھلے
پونڑیاں پہھلیاں جٹیاں او مائے
پتر پوتر کوڑ پہھلاوے
کنہاں کھاہدیاں کھٹیاں او مائے
یاد سرے پر اسرے بجنی
برھنیاں جسرے گٹیاں او مائے
پیار نیاں پٹیاں پہھلیاں نہ
دل طوطے سب رٹیاں او مائے
یاسر پنداں چوڑے بدھیاں
پہھونویں کدے نہ سٹیاں او مائے
یاسر کیانی
No comments:
Post a Comment
Note: only a member of this blog may post a comment.