جدید پنجابی شاعری
جو بویا سی کَٹ لیا اے
میں ہُن پتھر چٹ لیا اے
چھالے ویکھ اندازہ کر لے
کِناں پینڈا کٹ لیا اے
شیشے اَگے ڈر لگدا اے
ہجر تیرے نے چٹ لیا اے
دُونی دے پہاڑے وانگر
اج کل تینوں رٹ لیا اے
آ جا تُوں وی جھولی پا لے
میں جو پیار ءچ کھٹ لیا اے
اوہنوں کی ڈراوے دئیں گا
جہنیں مورا چٹ لیا اے
اج میں کَلا رہ گیا جاذب
اج اوس متھا وٹ لیا اے
انصر جاذب
No comments:
Post a Comment
Note: only a member of this blog may post a comment.