جدید پنجابی شاعری
ویلے نی گل
اُچے لمبے گِھن کے ڈھانگے
نسنے پے ون جاکت پیروں وانے
دِھیان سارا کنکوئے اُتے
نِکا ہووے یا کوئی وَڈا
جِس وی پہلے نپی ڈور
اُچا جَیأ لا کے ہانگرا؛
چھوڑ دیس اؤئے نَپ گِھدا
سارے نسنیاں نسنیاں رُک گئے
نہ کوئی چِھینا جھپٹی ویکھی
نہ کوئی مار کُٹائی
میں ہکلّا اَجھ کے سوچاں
ہُن کیوں حق کئیں ناں نہ منینے آں
سب کچھ لوکاں کول اے وَت وی
حق ہر اک ناں پے کھسینے آں
عمران اسد
گھن: لے کے
ہکلا: کلہا
اجھ کے: بہہ کے
No comments:
Post a Comment
Note: only a member of this blog may post a comment.