جدید پنجابی سرائیکی شاعری
دل لگی دے انجام توں ڈرداں
میں محبت دے نام توں ڈرداں
ڈھول زلفاں نہ سٹ توں چہرے تیں
تیکوں پتے میں، شام توں ڈرداں
لوک امیریں دے پیر چُمدن
میں انہیں دے سلام توں ڈرداں
اوکوں سونے دی سِلھ ولا ڈیویں
آکھیں تیڈے انعام توں ڈرداں
اوندے در دا غلام ہے جیرھا
اوندے در دے، غلام توں ڈرداں
جمشید ناشاد
No comments:
Post a Comment
Note: only a member of this blog may post a comment.