جدید پنجابی سرائیکی شاعری
تائیں جو آکھیے گزار مٹی تے
میں ہاں مٹی دی کار مٹی تے
تو ہیں پروردگار، مٹی دا
میں ہاں پروردگار مٹی تے
متاں نکھڑنڑ دا لفظ لکھ باہویں
ایویں لِیکے نہ مار مٹی تے
میں کوں مارنڑ دا درس ڈیندی ہے
بہہ تھیا کر وے یار مٹی تے
تُو جو کائنی تاں جان ایں لگدے
جیویں ہوواں میں بار مٹی تے
میں وی رافت ہاں آپ مٹی دا
میڈا بنڑسی مزار مٹی تے
اشرف رافت
No comments:
Post a Comment
Note: only a member of this blog may post a comment.