جدید پنجابی شاعری
مسجد قبا تے مسجد شمس
ٹانگے تے چڑھ چارے سنگی پنجواں جعفر نالے
باب قُبہ تھیں باہر سانوں آندا ٹانگے والے
پہلوں پہل مدینے اول کرن زیارت چلے
ہور بھی مگروں ٹانگیاں والے نال اساڈے چلے
رستے اندر آسے پاسے باغ کھجوراں والے
نالے کھیتیاں سبزہ زاراں آون نظر دوالے
کنکاں تے ہر قسماں سبزی رنگ لگائے ہوئے
سبز لباس تمامی چیزاں رنگ لگائے ہوئے
ہر موسم دیاں چیزاں رل کے جلسے لائے ہوئے
جیوں کر اُپر زمین دے ساوے فرش وچھائے ہوئے
ڈاہڈی رونق والا رستہ ڈٹھیاں فرحت آوے
صدقہ پاک رسول اللہؐ دا چارے بنّے ساوے
جِت ول تکاں سجے کھبے رونقاں نظری آون
چرخاں والے کھوہ جنہاں تھیں کھیت پلائے جاون
مولوی محمد دلپذیر بهیروی
No comments:
Post a Comment
Note: only a member of this blog may post a comment.