جدید پنجابی شاعری
پروگرام
آ کوٹھی دے وچ بہہ کے کچھ کریے دل دیاں گلاں
تُوں میرا بھیت نہ بھنیں میں تیری گل نہ تھلاں
آ پرہای نویں بنائیے
کوئی نویں سکیم چلائیے
کوئی ہور ہُن چُھری لوائیے
آ لاہیے پُٹھیاں کھلاں
آ کوٹھی دے وچ بہہ کے کچھ کریے دل دیاں گلاں
توں میرا بھیت نہ بھنیں میں تیری گل نہ تھلاں
آ چل بہیے وچ چیمبر
میں بناں وزیر توں ممبر
بند کرئیے ہزار بھمبر
آ کھوہ بنائیے ڈلاں
آ کوٹھی دے وچ بہہ کے کچھ کریے دل دیاں گلاں
توں میرا بھیت نہ بھنیں میں تیری گل نہ تھلاں
آ کڈھیے رج کڑاکے
آ قوم نوں مارئیے (فاقے) پھاکے
آ جہے بنائیے خاکے
پئی پائے بُھکھ کڑلاں
آ کوٹھی دے وچ بہہ کے کچھ کریے دل دیاں گلاں
توں میرا بھیت نہ بھنیں میں تیری گل نہ تھلاں
چل آ تقریراں کرئیے
رو اُتوں ہو کے بھرئیے
وِچوں نہ جھکیے ڈرئیے
چل مارئیے کچھ ٹرپلاں
آ کوٹھی دے وچ بہہ کے کچھ کریے دل دیاں گلاں
توں میرا بھیت نہ بھنیں میں تیری گل نہ تھلاں
آ کھچرے سانگ رچائیے
کوئی چل نمائش لائیے
آ قوم نوں چمبڑ جائیے
چل بہیے مار پتھلاں
آ کوٹھی دے وچ بہہ کے کچھ کریے دل دیاں گلاں
توں میرا بھیت نہ بھنیں میں تیری گل نہ تھلاں
آ بنئیے گِرجاں اِلاں
مِلت دیاں لاہیے چِھلاں
ونڈ کھائیے کوٹھیاں مِلاں
چل ولیے ساریاں وِلاں
آ کوٹھی دے وچ بہہ کے کچھ کریے دل دیاں گلاں
توں میرا بھیت نہ بھنیں میں تیری گل نہ تھلاں
ہُن چھڈ فقیر فقیری
چل لئیے سانبھ امیری
پئے کرئیے نت وزیری
کیوں پائیے سنیے سلاں
آ کوٹھی دے وچ بہہ کے کچھ کریے دل دیاں گلاں
توں میرا بھیت نہ بھنیں میں تیری گل نہ تھلاں
ڈاکٹر فقیر محمد فقیر
No comments:
Post a Comment
Note: only a member of this blog may post a comment.