عارفانہ کلام حمد نعت منقبت
آکھیں سونہڑے نوں وائے نی جے تیرا گزر ہووے
میں مر کے وِی نئیں مردا جے تیری نظر ہووے
دم دم نال ذکر کراں میں تیریاں شاناں دا
تیرے نام توں وار دیاں جنی میری عمر ہووے
دیوانیو بیٹھو روو محفل نوں سجا کے تے
شاید میرے آقاﷺ دا ایتھوں وی گزر ہ وے
اوکیسیاں گھڑیاں سن مہمان ساں سونہڑے دا
دل فِروی کر دا اے طیبہ دا سفر ہووے
جے جیون دا چا رکھنا توں راھیا مدینے دیا
سونہڑے دے دوارے تے مرجاویں جے مر ہووے
کیوں فکر کریں یارا ماسہ وی اگیرے دا
اوہورں ستے ای خیراں نیں جِدا سائیں مگر ہووے
ایہہ دل وچ نیازی دے اک آس چروکنی اے
سوہنے دے شہر اندر میری وی قبر ہووے
عبدالستار نیازی
No comments:
Post a Comment
Note: only a member of this blog may post a comment.