جدید پنجابی شاعری
عمر پڑھیندیاں بُڈھی ہوئی، حالے علم انجانا
سمجھ کے اپنے آپ نوں دانا، جاہل رہیا نمانا
نادر شاہ دے لشکر وانگوں، مِدھ گیا پیراں تھلے
کہڑے وصلوں چیتے آوے، سانوں وقت پرانا
اسیں بے حرصے جہے، زردارا بزدل آں یا صوفی
سہ جانے آں ظلم تِرے نوں، سمجھ کے رب دا بھانا
کھا جانا سی ویچ کے رب نوں، کر کے ہیرا پھیری
جے کر مُلاں وانگوں میں وی، ہُندا ایڈ سیانا
اسیں اوہناں چوں ناہیں جہڑے، نِرے مرن لئی جمے
اسیں بخاری! دنیاں نوں کوئی کم وکھا کے جانا
تنویر بخاری
No comments:
Post a Comment
Note: only a member of this blog may post a comment.