سلام بر امامؑ عالی مقام
دل اے ہاواں بھردا رہندا
یاد امامؑ نوں کردا رہندا
غم حسینؑ دا ہنجو بن کے
اکھیں دے وچ تردا رہندا
اج وی کربل ہر یزیدی
لعل علیؑ توں ہردا رہندا
حاظر دور دا ہر ہک ظالم
ناں حسینؑ توں ڈردا رہندا
ہن وی حق لئی ہر حسینی
جان تلی تے دھردا رہندا
پنجتنؑ پاک دا ویری جہڑا
اندر و اندری مردا رہندا
شاہ دی یاد اے زندگی ساڈی
من ایں ساڈا ٹھردا رہندا
ایس گھرانے دی لج پالی
کم ایں سبھ دا سردا رہندا
علم عباسؑ دا یونس میرے
راکھا بن کے گھر دا رہندا
محمد یونس
No comments:
Post a Comment
Note: only a member of this blog may post a comment.