جدید پنجابی شاعری
نہ بیبا ہُن میں نہیں اینے جوگی
کی ہن فیر پریتاں پائیے؟
فیر آساں نوں پانی لائیے؟
فیر آپے وچ رَل مل جائیے؟
نہ بیبا ہُن میں نہیں اینے جوگی
ہُن نہیں ایہناں ڈونگھیاں پینڈیاں دے وچ وڑنے جوگی
ہُن نہیں ایہناں بلدیاں اگاں دے وچ سڑنے جوگی
ہُن نہیں اینی مورکھ
اپنی لکّھاں دی کُلی نوں آپ چواتی لاواں
پشلیاں گلاں کاہنوں چھیڑیں
کھینوں وچوں لیراں کھلّن
تیریاں وچوں لیراں کھلّن
تیریاں کیتیاں یاد نیں مینوں
بھُلدیاں بھُلدیاں بھلن
جد ہُن دلوں مکائی، اڑیا
کی مُڑ کرنی سُننی
بھُلا راہ ہُن کاہنوں پُچھیے
پِنڈ نہیں جد جانا
جھٹ نوں بھار جے سُٹنا ہووے
پہلاں کاہنوں چانا
نہ بیبا ہُن میں نہیں اینے جوگی
شریف کنجاہی
No comments:
Post a Comment
Note: only a member of this blog may post a comment.