پنجابی سرائیکی شاعری
زخم ہے اے تلا کاری تاں کئے نی
تیڈے سنگ پیار ہے یاری تاں کئے نی
وڈا پتھر سہی موجود پل وی
میڈے سر توں مگر باری تاں کئے نی
وڈا بئی مان دل ہے نئیں منیندا
اے دل ہے کہیں دا درباری تاں کئے نی
وڈی پیاری ہے جندڑی جان میڈی
تیڈے پیریں کنوں پیاری تاں کئے نی
وڈی وسوں ہے بیلے دی نماشاں
سجل! تیڈی کجل دھاری تاں کئے نی
اوندی جُتیاں دے جوڑے تھئے کجوڑے
کتھئیں سفریں تیں ول تیاری تاں کئے نی
جے ویندیں میڈے ساہ وی نال چئی ونج
میکوں جیون دی لاچاری تاں کئے نی
کتھؤ سر رئر نیں دا زور ترٹ پئے
میڈے کم اَئی میڈی زاری تاں کئے نی
اکھیں فرصت جے مل پئی تیڈو آساں
اے دل رکھنی ہے دلداری تاں کئے نی
محبت وصل دی ہک رات شاہد
اوہا ہک رات وی ساری تاں کئے نی
عزیز شاہد
No comments:
Post a Comment
Note: only a member of this blog may post a comment.