پنجابی سرائیکی شاعری
تہوں میڈی پہلے صفحے خبر لگی کھڑی اے
زہر نال موئے منہ تے شکر لگی کھڑی اے
کالج اچ جیرھی چھوھِر اُکا چپ رہندی ہائی
اج اوہا ٹی وی اتے اینکر لگی کھڑی اے
میں تیکوں جان سارے راہ ڈسی بیٹھاں ہاں
پر تیڈی اوہا اگر مگر لگی کھڑی اے
اندروں دی سچی خوشی بولی دی مُتھاج نیں
پشتو دے گانے تے وی جُھمر لگی کھڑی اے
حالانکہ میں برف دے پہاڑ اتے ستاں ونڄ
ول وی کئی بھا سینے اندر لگی کھڑی اے
عدیل آصف پتافی
No comments:
Post a Comment
Note: only a member of this blog may post a comment.