جدید پنجابی شاعری
تن دا پوٹا پوٹا لگے
دِھی دی چُنی گوٹا لگے
ربا! ایڈا قد نہ دیویں
اکھ نوں بندہ چھوٹا لگے
فِر جا کِھلن کلے دیاں کلیاں
جے اوہدے نال جوٹا لگے
دُکھ دی اینی وِکری ہوئی
سُکھ دا سِکہ کھوٹا لگے
ربا! یا تے بُھکھ نہ دیویں
یا چِڑیاں دا پوٹا لگے
ہِجر دے ہتھوں پھٹڑ ہوئے
سانجھ سمے سِر سوٹا لگے
راشد! داجاں رَت پیائی
رسماں دا سَپ موٹا لگے
راشد محمود
No comments:
Post a Comment
Note: only a member of this blog may post a comment.