پنجابی سرائیکی شاعری
عشق بیماری چلدی پئی اے
توبہ زاری چلدی پئی اے
ذہن ءچ اُوندی کیسٹ وانگوں
صورت پیاری چلدی پئی اے
کون پیا آندے فجریں ویلے
جان! بہاری چلدی پئی اے
مینہہ ہے، وا ہے، اُوندی نوکری
ہے سرکاری چلدی پئی اے
وڈا ویڑھا اے، چاہ دی چُسکی
واری واری چلدی پئی اے
غم ہک ویندے بیا ول آندے
دیرے داری چلدی پئی اے
کلہیں کجھ ہوں یار دے منہ تے
تابعداری چلدی پئی اے
کون اے کہیں دا ثروت سئیں آں
دنیا داری چلدی پئی اے
سعید ثروت
No comments:
Post a Comment
Note: only a member of this blog may post a comment.