جدید پنجابی شاعری
گَل سُن میرا سوہنا چن
اج میری اِک گل تے من
صبر، توکل والیاں گلاں
اج مینوں سمجھاون نالوں
ایویں رولا پاون نالوں
سارا دن مزدوری کر کے
شاماں ویلے
سو سو دے ست نوٹاں دے نال
آٹا، دُدھ، گھیؤ تے چینی
سبزی، چاول، ادرک، دھنیہ، مرچ، ٹماٹر
بچیاں دے لئی بسکٹ نمکو
بُڈھی ماں لئی پھل، دوائی
لے کے دسیں مینوں بھائی
ایہ جہڑی تُوں کھپ اے پائی
پل وچ تینوں بُھل جاوے گی
تیری جِیبھ ای پُھل جاوے گی
گل ای کرنا بُھل جاویں گا
رب دی قسمے رُل جاویں گا
احمد نعیم ارشد
No comments:
Post a Comment
Note: only a member of this blog may post a comment.