پنجابی سرائیکی شاعری
ہک حویلی
ہک اروڑی
کالے رنگ دا کُتا
سو ورہیں دیاں بکھیاں اکھیں
ڈہدین ٻاہر دی کندھ دو
جھٹ اروڑی گند دو
سنگ اروڑی
کوک دے ڈھکنے
جینز دیاں تھگڑیاں
بتھے نقشے
کجڑے کنڈوم
کہیں اسقاطی رحم دے وانگوں
مالبرو دے خالی پیکٹ
لیفٹ اوور دے ڈبے دے وچ
دولے شاہ دے چوہے
ڈلھار ڈنبھار دیاں ان گن نسلاں
تریجھی دنیا
کتا کہیں کوں منہ نی لیندا
ڈہدیں ڈہدیں
ٻاہرلی کندھ دے ٻاہرلے پاسوں
وقت دا ہتھ نکلدے
ہتھ ڈراکل ہتھ
ہتھ دے وچ ہن
حیض دیاں تھگڑیاں ہوند دلیلاں
کتا منہ وچ تھگڑیاں پا کے
پورا پہر رڑیندے
چن چُھٹ ویندے
چُھٹا چن الویندے
فجر کوں ہوسی نویں صدی
نویں نیکی نوی بدی
زبیر احمد چچہ
No comments:
Post a Comment
Note: only a member of this blog may post a comment.