جدید پنجابی شاعری
سلیوٹ
اوس فوجی لئی لَکھ سلوٹاں
موہڈے اُتے چُک بندوقاں
جیٹھ ہاڑھ دی دُھپے جہڑا
باڈر اُتے تان کے سینہ
چار چوفیرے ویکھ رہیا اے
جہڑا پوہ دے پالے دے وِچ
دیس دی راکھی کردا اے
جہڑا سب توں پہلاں اپنی
ہِک تے گولی کھاندا اے
جہڑا یس سر یس سر کر کے
اپنا وقت لنگھاندا اے
جس دی نوکری مُک جاوے تے
اپنے دیس توں دور نہیں جاندا
ایتھے ای مزدوری کردا
جس دے دِھیاں پُتر ایتھے
جس دا مرنا جینا ایتھے
جام شہادت والا جِنے
ڈِیک چاڑھ کے پِینا ایتھے
جس دا مرنا جینا ایتھے
اوس فوجی لئی لَکھ سلوٹاں
اوس فوجی لئی لَکھ سلوٹاں
احمد نعیم ارشد
No comments:
Post a Comment
Note: only a member of this blog may post a comment.