جدید پنجابی شاعری
رحمت اس دی ہسے
رحمت اس دی ہسے
اج دی اَکھ چوں سمیا اتھرو
کل دے سون دی بدلی بن کے
پرسوں ویڑے وسے
رحمت اس دی ہسے
رب سائیں جے کرم کرے تے
کِھڑن دلاں دے چنبے
وٹیاں وچ پنیری لاواں
بانکے پُھل تروڑن لگیاں
میری دا ہتھ کمبے
رب سائیں جے کرم کرے تے
رب سائیں جے کرم کرے تے
سب دی آس پجاوے
تیرا پیار کسی ناں ویچاں
اپنا پیار ویچن نکلاں
کوئی مُل نہ پاوے
سب دی آس پجاوے
رب سائیں جے کرم کرے تے
اوہدے ہتھ وچ واگاں
اج دی ارات میں سُفنے کَتاں
کل دی رات وی اَکھ نہ میٹاں
تے پرسوں دی دی رات وی جاگاں
اوہدے ہتھ وچ واگاں
منو بھائی
No comments:
Post a Comment
Note: only a member of this blog may post a comment.