جدید پنجابی شاعری
ماڑے دی جو ہاہ بنڑدے نیں
سڑ کے فیر سواہ بنڑدے نیں
مینوں ایس زمانے دَسیا
ہو کے لوگ تباہ، بنڑدے نیں
مینوں لوڑ دعاواں دی نئیں
تیرے ہاسے ساہ بنڑدے نیں
میرے شعر چ میرے دُکھڑے
اوہدے لئی بس واہ بنڑدے نیں
جد وی دھوکا دینا ہووے
پہلاں لوک بھرا بنڑدے نیں
پیار وفا وچ کیتے وعدے
بعدوں گل دا پھا بنڑدے نیں
غلام عباس نجم
No comments:
Post a Comment
Note: only a member of this blog may post a comment.