جدید پنجابی شاعری
دل دِیاں لگراں تے بُور جدوں پے جائے
پل دی وی دُوری کولوں دل اے تریہہ جائے
ہجر والا ناگ جد پنڈے نال کھہہ جائے
چُوری والا چھنّاں فیر ہتھ وچ رہ جائے
اُڈّن توں پہلاں اِک کاں کُجھ کہہ جائے
آس دا بنیرا آپوں ہولی ہولی ڈھہہ جائے
جند اِنج وعدے والی سُولی اُتّے ڈول دی
رُوح وی ناں نکلے پواڑا جیہا پے جائے
ہور گلّاں دل پاویں ساریاں ہی سہہ جائے
چندری اُڈیک ربّا کسے نوں ناں پے جائے
تنویر شاہد
No comments:
Post a Comment
Note: only a member of this blog may post a comment.