جدید پنجابی عارفانہ کلام
شعلہ جیویں اگ دا تندور وچوں بولدا
عشق حقیقی منصور وچوں بولدا
موسیٰ دا پیار کوہِ طور وچوں بولدا
ذائقہ مٹھائیاں دا کھجور وچوں بولدا
فیض بابے بلھے دا قصور وچوں بولدا
سدا ای شیطان تے فتور وچوں بولدا
پیسا ای تے بندے مغرور وچوں بولدا
نور دا نظام سارا نور وچوں بولدا
ولیاں دا حال تے قبور وچوں بولدا
دلاں دا جو زوق اے سرور وچوں بولدا
پر ناصر اے محدثاں، مفسراں دا فیصلہ
رب جدوں بولدا حضورﷺ وچوں بولدا
ناصر چشتی
No comments:
Post a Comment
Note: only a member of this blog may post a comment.