جدید پنجابی شاعری
کدی وی دیر نہیں کرنی
کسے نوں تیری لوڑ ہووے
کسے ول جاونا ہووے
کسے دی اک واج دے اُتے
جے ہووے اُڈاری بھرنی
کدی وی دیر نہیں کرنی
کسے دے دُکھ ونڈاونے ہوون
کسے دے چاء ودھاونے ہوون
کسے دے ہنجو پونجھنے ہوون
توں اپنی ہمت نہیں ہرنی
کدی وی دیر نہیں کرنی
کِتے جھانجھر چھنڑکدی ہووے
کِتے چُوڑا کھنڑکدا ہووے
جے پیار دیاں رِیتاں سانبھیے
فیر کوئی سَدھر نہیں مرنی
کدی وی دیر نہیں کرنی
کِتے دریاواں دے کنڈھیاں تے
کِتے مٹی دے تھڑیاں تے
ڈھاکاں تے چُکے گھڑیاں دے
کِتے ہرنی وی ہے چرنی
کدی وی دیر نہیں کرنی
کسے دی اکھ دی لالی لئی
کسے دے مُکھ سوالی لئی
پُھل کلیاں دی ڈالی لئی
سُکھاں دی جھولی بھرنی
کدی وی دیرنہیں کرنی
یحییٰ شاہد
ایم وائی شاہد
No comments:
Post a Comment
Note: only a member of this blog may post a comment.