جدید پنجابی شاعری
حاکم بن گئے چور اساڈے
لے گئے ڈنگر ڈھور اساڈے
سایا اے یا جادو کوئی؟
نچّن بُھل گئے مور اساڈے
ٹانڈے نیں پر سِٹا کوئی نئیں
سُکدے جاندے بَور اساڈے
ہیر اساڈی لے گئے کھیڑے
ڈولھے سن کمزور اساڈے
ہر چن دے چن ڈنگ جاندے نیں
کیڑے پے گئے کھور اساڈے
ظالماں وکھو وکھ کر چھڈے
دلی تے لاہور اساڈے
امداد آکاش
No comments:
Post a Comment
Note: only a member of this blog may post a comment.