جدید پنجابی شاعری
الٰہی مُڑ چوفیرے پا لیا ظلمت نے گھیرا اے
الٰہی فیر دنیا تے ہنیرا ای ہنیرا اے
وکاندی مُڑ پئی ظلماں دی بھیڑی جنس سستی ا
مُڑ او ہجڑ جان نوں یارب مسلماناں دی بستی اے
بے عملی تھیں پئے تقصیر تے تقصیر کر دے نیں
مُڑ اپنی آپ پئے دنیا تے ایہ تشہیر کردے نیں
عمل دی بخش دے توفیق بدکاراں بے حالاں نوں
پھلن پھلن دی مہلت بخش دے ساڈے نونہالاں نوں
بت آزر دے پئی مُڑ کوئی ابراہیم چاہندے نیں
وطیرے دہر دے مُڑ حرم دی وی ترمیم چاہندے نیں
تِرے فضلوں مُڑ اوہ شوکت مسلماناں دی ہو جاوے
جماعت فیر یا مولا پریشاناں دی ہو جائے
ڈاکٹر فقیر محمد فقیر
No comments:
Post a Comment
Note: only a member of this blog may post a comment.