جدید پنجابی شاعری
پِٹ سیاپا
میں ایس کُپتی سسو دے جھگڑے توں ڈاہڈی اکّی آں
نئیں مُڑدی گل ودھانے توں میں ترلے لَے لَے تھکی آں
کوئی چوبھاں کد تک جردا اے کوئی سُوہاں کد تک سہندا اے
مِرا ایتھے ہُن گزارا نئیں ایہہ ویہڑا وڈھن پیندا اے
ساہ سُکھ دا ایتھے آؤندا اے کسے وڈے نوں نہ نِکے نوں
میں ایہہ پئی پیکے جانی آں سانبھ اپنے سُرجن ٹِکے نوں
انور مسعود
No comments:
Post a Comment
Note: only a member of this blog may post a comment.