جدید پنجابی شاعری
وکدے وچ بازارے لوک
"ایس نگری دے سارے لوک"
اندروں خالی منہ تے ہاسا
کِنے بے اعتبارے لوک
کون کسے دا دردی ایتھے
سارے کرن نظارے لوک
لوبھاں دے نیں قیدی سارے
رہ گئے گھٹ سچیارے لوک
جہناں اپنی میں نہ ماری
رہندے وچ خسارے لوک
ویکھ وفاواں ونڈن ہر دم
ﮈِگے ڈھٹھے ہارے لوک
یاداں دے وچ رہن ہمیشہ
عنبر دل نوں پیارے لوک
سعدیہ عنبر جیلانی
No comments:
Post a Comment
Note: only a member of this blog may post a comment.