جدید پنجابی شاعری
ڈمی
تُوں اِک ڈمی
فئیر وی تیرے پِنڈے اُتے
ہر موسم دے ون سوّنے لیڑے
لِشک مریندیاں لیڑیاں اُتے
رنگ برنگے بیڑے
میں اِک بندہ
فئیر وی میرے پِنڈے تائیں
کدیں نہ جُڑیاں لیراں
میرا حال فقیراں
میں کی دساں کیویں ھنڈائے
ساون، ہاڑ، سیالے
لُوں لُوں اندر دھنس گئے میرے
لوواں، دھُپاں، پالے
کدیں تے ڈولے چڑھدی میری
کوئی ریجھ نمانڑیں
تیرے وانگوں شو کیساں دا
میں وی باسی ہوندا
تیری ورگی کرماں والی
میں اک ڈمی ہوندا
انور مسعود
No comments:
Post a Comment
Note: only a member of this blog may post a comment.