جدید پنجابی شاعری
ایہ میرے نال کیہ بنیاں
کسے دے روپ نیں مینوں
جوانی دان کیتی سی
میں اکھاں دے بھروسے تے
کسے دے نال جڑیا ساں
کسے دے اک اشارے تے
حیاتی وار دتی سی
کسے دی جت لئی میں تے
ہمیشاں ہار منی سی
کسے نوں مان دیون لئی
میں اپنا مان چھڈیا سی
میں جس دا مشکلاں اندر
ہمیشاں ساتھ دتا سی
جدوں مینوں ضرورت پئی
اوہ میرے نال نہیں کھڑیا
ایہ میرے نال کیہ بنیاں
زین جٹ
No comments:
Post a Comment
Note: only a member of this blog may post a comment.