جدید پنجابی شاعری
چار چفیرے دی ہریالی
ول جو تکیا تے انج لگیا
کہ ایہو میں ہاں
میرے وچ ایہہ رلیاں کٹھی ہوئی
اندر باہر سبھ اک ہویا
فرق رہیا نا کوئی
ایس ہریالی وچوں ای آئی
کجھ چر لئی ایہہ صورت پا کے
ہسدے وسدے جگ وچ آ کے
پچھلے لنگھیاں نال
آونڑ والیاں نوں بس جوڑن آئی
وگدی سوچ دے ہڑ وچ رڑ کے
ڈونگھیاں گلاں لوڑن آئی
وکھری ہو کے صورت نالوں
مُڑ اوتھے ای ٹُر جانا اے
مٹی دے وچ ہونا مٹی
ہوا چ ساہ نے رل جانا اے
ثروت محی الدین
No comments:
Post a Comment
Note: only a member of this blog may post a comment.