جے کئی انمول بول پوندا ہے

 پنجابی سرائیکی شاعری

جے کئی انمول بول پوندا ہے

من دا ماحول بول پوندا ہے

میڈی وستی دی چیکدی چپ ءچ

کوئی نہ کوئی دول بول پوندا ہے

چاندنڑی جیرھے دریا ٹھلدی اے

پچھیں ہر چھول بول پوندا ہے

میں نمہی منگدا اوں کنیں اوکوں

مکھ دا کشکول بول پوندا ہے

بولنڑاں پووے جتھ تیڈے حق وچ

ہک تیڈا رول بول پوندا ہے

میں جئیں کے دور گھن ویندا خود کوں

او میڈے کول بول پوندا ہے

کئی کئی ویلھے تاں نہ الیندیں ہوئیں

دل اچے بول بول پوندا ہے

سلیم طاہر قیصرانی