پنجابی سرائیکی شاعری
سچے رب توں رزق اگوڑیا ویندا ہا
بانگاں ویلھے کھیر ولوڑیا ویندا ہا
قسمت آلے ہتھ ہوسن او جنہاں توں
ڈاڈھے سیں دا کُھسہ جوڑیا ویندا ہا
راہی متاں اوکھے تھیون ہیں سانگیں
ڈینہہ کوں کُتا کینا چھوڑیا ویندا ہا
پاند اچ بدھ کے اماں سِلھاں مارے ہا
نسری منکا اوکھیں تروڑیا ویندا ہا
بم پھٹیے تاں مرن آلے پے ہن تھے
بچن آلا ہر کوئی دوڑیا ویندا ہا
بلال باقر
No comments:
Post a Comment
Note: only a member of this blog may post a comment.