پنجابی سرائیکی شاعری
ڈھل گئے سایہ دیوار کنوں کئی یاد آ گئے
ول تِرم پیاں پلکاں بار کنوں کئی یاد آ گئے
ہِک یوسف ہا جو سینے اندر وسدا ہا
اڄ گُزریاں شہر، بزار کنوں کئی یاد آ گئے
ڈو پکھڑو بیٹھے ہن ہِک سانجھی پُونبل تیں
ڈِٹھے ہِک ڈُوجھے کوں پیار کنوں کئی یاد آ گئے
جینویں ہر کہیں دے ڈُکھ نال اوندا ڈکھ سانجھا ہے
کئی پِھر گئے قول اقرار کنوں، کئی یاد آ گئے
ہِک لال رومال اچ سہرہ سانبھیا لاتھا ہا
ہِک پُھل کِر ڳئے اوں ہار کنوں کئی یاد آ گئے
بھانویں ولدا سانون ول آئے شاہد نِکھڑئیے ہوئیں
اے یار جو کہیں دا پار کنوں کئی یاد آ گئے
عزیز شاہد
No comments:
Post a Comment
Note: only a member of this blog may post a comment.