جدید پنجابی شاعری
کر کر کے میں جی حضوری تھک گئی آں
رات دیہاڑی، کر مزدوری تھک گئی آں
جِھڑکاں تے جھبیاں نیں میری قسمت وِچ
دے دے کے میں اوہنوں چُوری تھک گئی آں
بہُوں کیتی اے خدمت ایہناں لوکاں دی
کم ایہناں دے کر ضروری تھک گئی آں
کوئی ٹھکانڑاں میرا نہ کوئی مرضی اے
کر کے ہر ضرورت پوری تھک گئی آں
اوہدے پیار دے ورگی خشبو نئیں لبھدی
لا کے عنبر تے کستوری تھک گئی آں
تیرے ورگا ایتھے کوئی نہ دِسدا اے
بِن تیرے میں ہاں ادھوری تھک گئی آں
رفعت انجم
No comments:
Post a Comment
Note: only a member of this blog may post a comment.