جدید پنجابی شاعری
سُولاں اُتے جِندڑی رولن لگ پئے نیں
ہُن آپنے وی مندا بولن لگ پئے نیں
پہلاں تاں اوہ مِٹھے بول سناؤندے سن
ہُن کناں وِچ زہراں گھولن لگ پئے نیں
جھلّے لوکی شرم حیا تے پیاراں نوں
دولت دی تکڑی وِچ تولن لگ پئے نیں
اس توں ودھ کے ہور گواہی کہڑی اے
اوہدی مُٹھ دے کنکر بولن لگ پئے نیں
ایہناں ہنجھواں نوں تے ڈکنا پینا اے
ایہ تے دل دے راز پھرولن لگ پئے نیں
آصف راز
No comments:
Post a Comment
Note: only a member of this blog may post a comment.