پنجابی سرائیکی شاعری
کُجھ کُجھ جَھلا اوہ وی سی تے میں وی ساں
جگ توں وَکھرا اوہ وی سی تے میں وی ساں
اک دُوجے نُوں لفظاں وِچ اُلجھاندے رہے
پڑھیا لِکھیا اوہ وی سی، تے میں وی ساں
اندروں بھاویں کِرچی کِرچی ہُندے رہے
باہروں پِیڈا اوہ وی سی، تے میں وی ساں
ایویں رُسدے رہے آں سُن کے لوکاں دی
کِن دا کِچا اوہ وی سی تے میں وی ساں
دوویں روز اُڈیکدے ساں اک دُوجے نُوں
ضِدی پکا اوہ وی سی، تے میں وی ساں
اکھاں گلاں کردیاں رہیاں اکھاں نال
چُپ کھلوتا اوہ وی سی تے میں وی ساں
آصف جُھوٹھے جگ نے جُھوٹھا کر دِتا
نہیں تے سچا اوہ وی سی تے میں وی ساں
آصف راز
No comments:
Post a Comment
Note: only a member of this blog may post a comment.