جدید پنجابی شاعری
جہڑی بُوٹی دل وچ لائی، اوہ بُوٹی اج پَھل گئی اے
رو رو کے جو لکڑی سُکی، عشق دی اگ وِچ بَل گئی اے
لمیاں عُمراں دے پینڈے وی، آخر نُوں مُک جاندے نے
کی ہویا جے تیری اِک، جوانی ایتھے ڈُھل گئی اے
میرا دوش نہیں اے کوئی، جد تک ہویا چُپ رہا
کنوں کنِیں لُکدی چُھپدی، بھرے بازار چ گَل گئی اے
ایویں نہیں پئے دِیوے بلدے، ایویں نہیں پئے جھنڈے جھلدے
روضیاں والیاں قبراں دے وِچ، تیرے عشق دی چھل گئی اے
چپ چپیتیاں زہر نُوں پیتا، واصف نے بدنام نہ کیتا
مینوں دیکھ کے دنیاں دی گل، آپے تیرے ول گئی اے
واصف علی واصف
No comments:
Post a Comment
Note: only a member of this blog may post a comment.