جدید پنجابی شاعری
سنگی ٹیگور
بن مالی ٹیگور سیانے لائیاں دی لج پالی
سخن اوہدے دی آبوں ساوی سکی چھمک بنگالی
وچ انگریزی دے وی اوہنے سخن کیتا انمُلا
ونڈی باہر شیرینی بھاویں پر گھر دے نہ بُھلا
بدل وانگ اقبال دماغوں یار وسائے پھانڈے
جنس پنجابی دی تھیں ایہ پر بھرے بھرائے بھانڈے
جے اوہ وچ پنجابی لکھدا وسر غیر زباناں
کردی دیس میرے دی گھرتی گلاں نال اسماناں
پر اوہنے کیوں خورے اکا تک ایہدی نہیں کیتی
نال اوہدے وچ غیر زباناں جو کجھ بیتی بیتی
ڈاکٹر فقیر محمد فقیر
No comments:
Post a Comment
Note: only a member of this blog may post a comment.